KALIBO, Aklan — Magapadayun ro kampanya kontra sa ilegal nga droga sa probinsiya it Aklan.
Suno kay Provincial Officer Investigation Agent V Jane Fatima Tuadles owa ginpundo it Philippine Drug Enforcement Agency (PDEA) kaibahan ro kapulisan ag iba pang stakeholders ro giyera kontra sa ilegal nga droga maskin pa sa tunga it pandemya ro nasyon.
Base sa andang datos, napabilin it 187 nga barangay ro andang pagiging hilway halin sa impluwensiya it illegal nga droga sa kabilugan nga 220 nga apektadong barangay sa bilog nga probinsiya.
Kapin sa 107 nga barangay pa ro hugut nga ginabantayan agud nga mapabilin ro pagiging drug-free barangay.
Kapin sa 30 drug users ag peddlers man ro naaresto sa 28 nga ginkasa nanda nga anti-drug operations sa pagtapos it 2021.
