Hamuok nga nagakatueog si Ruth Hamilton sa anang baeay sa British Columbia, Canada kat mabugtaw imaw sa eahay it anang ayam nga si Toby.
Pagkabangon halin sa pagkatueog, nakabati imaw it mabaskog nga pagsabog ukon matsa pagbunggo.
Ro una nana nga pagduda hay may natumbang puno sa anang ugsaran apang paglingling nana sa bintana, owa it maskin sambilog nga puno sa guwa ro natumba.
Samtang gina-istorya nana ro 911 sa telepono, dikara nana nataeupangdan nga may buho sa kisame it anang kuwarto ag may mabahoe nga bato nga nahueog sa anang mahaea.
Ko ulihi, nasayuran ni Hamilton nga sangka meteorite ukon bulalakaw ro sangkiri nga mahueog sa anang itsura.
Sa mayad nga swerte ag nag-einahay ro anang ayam nga si Toby ag owa raya nag pundo sa pag-eahay hasta nga owa imaw nagbangon sa kama.
Suno sa mga siyentipiko nga nag-estudyo sa meteorite, halin sa main asteroid belt it solar system ro bulalakaw.
Temporaryong gintugyan ni Hamilton ro bulalakaw sa scientists apang plano nana nga itago raya bilang souvenir kon tapos eon raya nga matun-an sa sangka research.
