Sangka unibersidad sa New Jersey, U.S.A ro nagtau it honorary diploma sa sangka service dog!
Sa ap-at nga dag-on nga pagkolehiyo ni Grace Mariani pirme nana nga kaibahan ro service dog nga si Justin sa tanan nana nga mga klase agud nga imaw hay alalayan kara sa anang kapansanan.
Rason nga kat mag-graduate si Mariani bilang magna cum laude sa kursong BS Education, nagdesisyon ro Seton Hall University nga taw-an ro ayam nga si Justin it honorary diploma bilang pasidungog sa adlaw adlaw nga pag iba sa mga klase it anang amo.
Natabu ro graduation ceremony sa Prudential Center sa Newark, New Jersey.
Mabaskog nga singgitan ag palakpakan ro nabaton ni Mariani matapos itau it university president nga si Joseph Nyre ro anang diploma.
Apang mas naging masangag ro mga tawo sa arena kat batunon ni Justin gamit ro anang bibig ro honorary diploma.
Suno sa Seton Hall University, gindesisyunan nanda nga taw-an it diploma ro 6-year-old nga yellow Lab and golden retriever mix nga si Justin bangud nga owa raya nag absent it maskin sang beses sa mga klase ni Mariani.
Suno kay Mariani, pagagamiton nana ro anang degree sa elementary education ag special education.
Dugang pa nana nga pirme gihapon nana nga pagadaehon sa anang pagturo si Justin.
