KALIBO, Aklan — Nag-trending sa Facebook ro selebrasyon it unang kaadlawan it asong kalye nga si Buchok nga matapos gin eowas hay gin ampon it mga pulis it Banga Municipal Police Station sa probinsiya it Aklan.
Napamahae eon sigon sa mga pulis ro nasambitang ayam bangud nagbahoe sigon raya nga malambing ag pae-amigo.
Gin trato nanda rayang pamilya ag gin taw-an it kaugalingon nga eugban sa gowa it police station.
Rason nga kat magselebrar it anang unang kaadlawan, ro adlaw nga napueot it mga naga patrolyang pulis ro ayam nga nakabutang sa sako ag gin pilak sa kilid it karsada, anda rayang gin taw-an it bonggang handa.
Kat mapueot hay gin pabueong ro mga nina it ayam ag gin paligsan hasta sa magmayad ro anang kahimtangan.
Mag eowas sa tarpaulin, nagpahimo man it cake ro mga pulis ag iba pang pagkaon nga masaming gina handa sa birthday party.
Agud mas pang maging masadya ro selebrasyon, nagrenta sanda it videoke.
