Nagpaguwa it padumdom ro Commission on Elections (Comelec) nga ipatuman ro “ayuda ban” sa sueod it napueong adlaw hasta sa maabot nga eleksyon sa Mayo 12.
Ginpahayag ni Comelec Chairman George Erwin Garcia nga umpisa sa Mayo 2 hasta it Mayo 12 ukon sa adlaw it botohan, bawae ro tanan nga klase it ayuda.
Ro ayuda nga ginapapundo nga ginatao hay ginakaeakipan it Assistance to Individuals in Crisis Situations ukon AICS, Tulong Panghanapbuhay sa Ating Disadvantaged/Displaced Workers ukon TUPAD, 4Ps, ag ro Ayuda para sa Kapos ang Kita Program ukon AKAP.
Ginbawi eon man it Comelec ro naunang exemptions sa spending ban nga pwede pang itao ro ayuda.
Ginpahayag nana nga magapangatubang sa kaso ro magatao ukon magapatuman it mga ayuda sa nasambit nga mga inadlaw.
Sa idaeom it Omnibus Election Code, pwedeng makulong it inde magnaba sa sang dag-on ag inde mag-eampas it an-om nga dag-on, mag-eowas sa iba pang mga penalidad nga gintaeana it laye.
Nauna eon nga na-exempt it Comelec ro P20 kada kilo nga Rice Project it Department of Agriculture (DA) sa 45-diyas nga election spending ban bago ro botohan sa Mayo 12.
