INTERNATIONAL News — Ginpahayag it sangka owa ginpangaeanan nga US official nga mabahoe ro posibilidad nga inatake it Russian anti-aircraft system ro sangka Azerbaijan Airlines plane nga bumagbag sa Kazakhstan nga ginkamatay it 38 nga katawo.
Ro komento it US official hay kasunod it media reports nga nagapati ro Azerbaijani nga sangka Russian surface-to-air missile ro rason it pagbagbag it sangka passenger jet ko Miyerkules nga adlaw samtang nagabiyahe halin sa Azeri capital Baku paagto sa Grozny sa Chechnya, southern Russia.
Ginpahayag it opisyal nga engkaso nga may kamatuoran ro mga nakita nga indikasyon, iga-insister nanda ro ginpahayag it US nga Russian recklessness sa 2022 invasion it Ukraine.
Gina-target it Ukrainian drone strikes ro Chechnya ko nagtaliwan nga mga domingo, ag may napabalita nga drone activity sa kaiping nga Russian regions it Ingushetia ag North Ossetia antes ro pagbagsak it eroplano.
Nauna eon nga nagpaandam ro Kremlin ko Huwebes kontra sa “hypotheses” sa insidente.
