Azerbaijian president direkta nga ginpabangdan ro Russia sa pagbagbag it eroplano katong nakataliwan nga dominggo

Direktang ginpabangdan ni Azerbaijan’s President Ilham Aliyev ro Russia nga sanda ro sa likod it pagpabagbag it pampasaherong eroplano nga ginkamatay it 38 katao.

Hinambae kara nga uwa it dapat nga pasabton kundi ro Russia bangud sa klaro nga andang tinarget ag napagkamalan ro nasambit nga Eroplano.

Matandaan nga bumagbag ro Azerbaijian airlines maeapit sa Aktau, Kazakhstan nga ginkamatay it 38 nga katawo.

Gina-usisa eon it mga otoridad ro daywang blackbox it eroplano.

Una eon nga nagpangayo it pasaylo si Russian President Vladimir Putin apang uwa raya gin-ako ro nasambit nga insidente ag haum sigon nga magbulig ro Russia para sa imbestigasyon.