SPORTS News–Ginbaliwala ni Azkals coach Michael Weiss ro andang pagkapyerde sa friendly game nanda it Chinese Taipei sa score nga 3-2 sa Rizal Memorial Stadium.
Ginpahayag nana nga bukon it importante ro pagdaog bangud ro ginaisip nanda makaron hay kon anu ro naging leksyon nga andang natun-an.
Sa nasambitang hampang sigon hay maistudyuhan kon anu ro mga kakueangan nga dapat pun-an it Azkals nga pwedeng ipatuman sa mga masunod nandang hampang.
Sa nasambitang hampang hay naka-goal sanday Mike Ott sa unang 13 minutos it hampang ag antes matapos ro first half hay naipasueod ni Patrick Reichelt ro goal para mabuoe ro abante sa score nga 2-1.
Apang, sa pagsueod it second half hay naieansang it Chinese Taipei ro Azkals hasta sa daeayon sandang nagdaog.