POLICE Report — Putoe ro ueo it sangka foreman nga kilaea sigon nga babaero matapos tagpason sa leog it anang kaibahan nga construction worker matapos nga madakpan it mister nga karelasyon kara ro anang misis.
Nakilaea ro biktimang si Rodel Solamo, taga-Barangay Cantumog, Carmen City samtang ro naarestong suspek hay si Julito Camanse, 43, residente it Barangay Licos, Danao City.
Base sa report it Compostela City Police Station, bandang 2:00 it hapon kat makit-an ro bangkay it biktima sa karsada nga sakop it Purok 7, Barangay Dapdap it nasambit nga siyudad.
Nagatuhaw sa imbestigasyon it pulisya, antes ro krimen nag-inom ro biktima sa sangka baraka ag makataliwan ro pilang oras hay ginhatud kara pauli ro anang nobya nga nakilaea sa pangaeang Jessel.
Samtang nagatikang ro biktima pabalik it baraka hay gulpi raya nga gin-abangan it suspek nga armado it sanduko ag tinagpas ro leog nga naging rason it insigida kara nga kamatayon .
Nagpaeagiw ro suspek pauli sa andang baeay apang naaywan kara ro anang tsinelas sa crime scene nga naging rason it pagkilaea ag pagdakop kana.
Sa estasyon it pulisya, gin aku it suspek ro krimen ag ginhambae nga may ginatago imaw nga kaakig sa biktima matapos madakpan nana nga karelasyon kara ro anang misis tatlong buean eon ro nakataliwan.
Nagapangatubang makaron sa kasong pagpatay ro suspek sa Compostela Prosecutor’s Office.
