POLICE Report — Nadakpan sa ginpatigayon nga entrapment operation ro sangka babaye matapos magbaligya it 11-diyas pa eamang natawo nga eaeaking eapsag sa sangka undercover agent sa Quezon City.
Arestado ro babayeng suspek nga miyembro it sangka Facebook group nga nagasirbing baealigyaan it mga unga.
Ginpaidaeum eon sa inquest proceeding sa Department of Justice ro suspek ag ginpahayag nga ginpabaligya eamang kana ro eapsag nga unga it anang kaklase.
Una eon sa pagdumaea it Department of Social Welfare and Development ro eapsag nga naeowas agud nga mataw-an it nagakaigo nga pagtatap.
Uman nga ginpadumdum it IACAT sa publiko nga ibawae sa idaeum it laye ro pagbaligya it isigkatawo, unga man ukon magueang, bangud nga raya hay sangka klase it human trafficking.
Kun may nabalitaang pagbaligya it unga online, mag-report eamang sa IACAT ukon sa 1343 hotline.
