Sangka 29-anyos nga babaye sa U.S. ro nagapangatubang sa pagkakulong matapos nana nga pekeon ro anang birth certificate agud nga magpakuno-kuno nga teenager ag uman nga nagsueod sa high school!
Dag-on 2010, nag-migrate sa U.S. ro kato hay 16-anyos pa eamang nga si Hyejeong Shin halin sa South Korea agud nga mag-eskwela sa sangka prestihiyosong boarding school.
Natapos nana ro high school ko 2013 ag ko 2017 hay nakatapos imaw it kolehiyo sa Rutgers University.
Makaron nga 2023, ginpeke ni Shin ro anang birth certificate para maging 16 years old it uman ag maka eskwela sa New Brunswick High School sa New Jersey.
Madinaeag-on nga nakapag-enroll si Shin apang matapos ro ap-at nga adlaw nga pagpakuno-kuno, nabuking it school officials ro mga peke nana nga dokumento ag insigida imaw nga ginpa-aresto sa mga pulis.
Ginkasuhan it New Brunswick High School si Shin it falsification of government document.
Kon mapamatud-an nga guilty sa korte, posibleng makulong it limang dag-on si Shin.
Suno sa lawyer ni Shin nga si Darren Gelber, owa it maeain nga intensiyon ro anang kliyente ag na-miss eamang kara ro mga masadyang adlaw kat raya hay high school student pa eamang.
Naging masadya ro mga experiensiya ni Shin kat naga-eskwela pa imaw sa boarding school ag gusto eamang nana nga raya hay balikan.
May gina agihan nga depression si Shin bangud nga bag-o eamang imaw nga nakipag-divorce sa asawa ag owa it naga-ulikid sa anang kasubo bangud nga idtu sa South Korea ro tanan nana nga maeapit nga igbata.
Dugang pa it abogado, magabalik eamang si Shin sa South Korea kon maabswelto sa kaso.
