POLICE Report — Patay ro sangka 19-anyos nga daeaga samtang naninahan ro anang nobyo matapos nga eab-on it step-father it babaye pilang oras eamang ro nakataliwan sa pagsug-aeaw it Bag-ong Dag-on sa Taytay sa probinsiya it Rizal.
Base sa report, pagkatapos it selebrasyon bandang alas-4 it aga-aga hay nakaangkon it mainitan nga diskusyon sa tunga it biktimang si Mitch Bartolome ag ro anang step-father nga si alyas Jiemboy, 44-anyos sa indi masayuran nga rason nga naging mitsa it krimen.
Ginasugid nga gulpi eamang nga nagbo-oe it sanduko ro suspek ag gin-eabu ro anang manak nga si Mitch.
Ginhana nga magpatunga it nobyo it babaye nga si Jake Montañez, apang pati imaw hay gin-atake man.
Gindaea ro mga biktima sa Rizal Provincial Hospital apang gindeklara si Bartolome nga dead on arrival.
Nagpaeagiw si Jiemboy matapos ro insidente ag padayun nga ginatugis makaron.
