POLICE Report — Gin-abandona it sangka babaye ro patay nga bag-ong tawo nga eapsag matapos nga mag-unga sa comfort room sa sangka building sa Quezon City, udtro adlaw it Miyerkules.
Sa report it Criminal Investigation and Detection Unit it Quezon City Police District (CIDU- QCPD), bandang alas-12:00 it udtro adlaw (February 12), kat mag-unga it hinali ro sangka babaye sa comfort room sa ikatlong panaegan it edipisyo sa Brgy. Damayang Lagi, Quezon City.
Base sa imbestigasyon it kapulisan, sangka saksi nga nakilaeang si alyas Kiel ro ginpaeapitan it nabdos nga babaye kaibahan ro gina-alegar kara nga ina ag naghinyu kon pwede sanda nga makigamit it banyo.
Kat makaguwa eon it banyo ro mag-ina hay nagsueod man si Kiel apang nakibot imaw kat makita ro patay nga eapsag sa sueod it washing machine.
Naabutan pa sigon ni Kiel ro babaye nga ginadugo samtang gina-alalayan it anang ina rason nga insigida imaw nga nagpangayo it bulig sa mga opisyal it Barangay Damayang Lagi.
Insigida man nga gindaea ro babaye sa East Avenue Medical Center nga ginadudahan nga nahushusan rason nga nag-unga it patay nga eapsag.
Duda it kapulisan, posibleng bangud sa kahadlok hay ginhana nga aywan it babaye ag ina kara ro eapsag nga andang ginsueod sa washing machine.
