NEW DELHI, India – Naging instant bride ukon asawa ro sangka babaye it eaeaking pagapakaslan kunta it anang magueang nga babaye matapos raya nga mamatay samtang ginapatigayon ro andang kasae bangud sa heart attack.
Natabu ro insidente sa Samaspur sa distrito it Etawah, Bharthana sa Uttar Pradesh state.
Nasayuran nga samtang ginapatigayon ro kasae sa tunga it nobyong si Manjesh Kumar ag nobyang si Surabni, gulpi eon lang nga nag-uy-uy ro babaye nga inatake gali it anang sakit sa tagipusuon .
Sa pihak nga nakibot ro tanan, ginpadayun gihapon ro kasae apang ro ginbaylo sa nobya hay ro anang manghud nga si Nisha nga nagtambong eamang sa kasae.// gindaea ro bangkay it babaye sa separado nga kwarto .
Ag insigidang nag-istorya ro magtimbang nga parte ag gindesisyunan kon sin-o ro magabueos sa namatay nga bride.
Matapos ro kasae hay ginsunod eagi ro ritual para sa kamatayon ag pag-eubong kay Surabni.
