Sangka babaye sa China ro nakaangkon it problema sa pamantawan ag nakaeksperyensya it depresyon matapos pumalpak ro anang double eyelid surgery kon sa siin natahi ro anang eyeball sa kilid it anang mata niya!.
Ginpaayos ni “Miss Zhang” ro talukap it anang mga mata bangud nga bukon it tupong ro mga raya.
Apang, kat gin-operahan eon ro anang mga talukap hay bukon imaw it komportable bangud nga may nabatyagan imaw nga pagpanakit sa anang waea nga mata kon sa siin uwa man imaw nagreklamo sa doktor nga naga-opera kana sa pag-eaum nga normal eamang ro anang nabatyagan sa makarundaya nga operasyon.
Sa anang pagkabaeaka, ginpakalma imaw it doktor ag ginpahayag nga madali eamang raya nga maaayos sa sangka corrective procedure.
Apang, sa uwa it swerte hay uwa naging successful ro follow up operation hasta sa naglabo eon ro anang pamantawan.
Gintinguhaan nana nga magpangayo it refund sa nagastos nana nga 30,000 yuan apang nagpamalibad ro clinic ag 10,000 yuan eamang ro naibalik kana nga kwarta.
