HEALTH News — Sangka 21 anyos nga babaye ro ginakabig nga pinaka-sensitive nga tawo sa kalibutan bangud sa madasig nga pag-react it anang eawas kon may makaon nga indi masahuan it anang eawas.
Ro babaye hay nakilaea kay Jenna Gestetner it Los Angeles, California, nga na-diagnose nga may Mast Cell Activation Syndrome (MCAS) sa bata nana nga pang-edaron.
Ro MCAS hay kilaea bilang kondisyon kun sa siin ro pasyente hay naga- eksperyensiya it pauman-uman nga episodes it symptoms it anaphylaxis — allergic symptoms kapareho it paghaeok, low blood pressure, nabudlayan sa pagginhawa ag iba pa.
Sa kamatuoran, may ana nga 100 tanan nga allergies ag ginapasugtan eamang nga magkaon it 13 nga pagkaon.
Suno kay Jenna, umpisa kat nagapang-edaron imaw it 12-anyos, sa kada tiempo nga may ginakaon imaw, pirme imaw nga nakakabatyag it pagbuyog it ueo, pagpaeanakit it eawas, kagaoy ag iba pa hasta nga nag-grabe raya.
Ko ulihi, na-diagnose raya nga naga-angkon it nasambit nga kondisyon.
Sa makaron, ro 13 nga mga pagkaon nga mahimo nana nga ma-enjoy hay ginaeakipan it white fish, turkey, green beans, zucchini, cucumber, lime, dates, grapes, raspberries, pears, chia seeds, water lily seeds ag olive oil.
