KALIBO, Aklan—Nag-angkon it madaeum nga lastro sa dahi ro sangka babaye matapos nga maiguan it bato kasunod it pagpanghaboy it mismong gumankon sa andang baeay kabi-i sa L. Barrios Street, Brgy. Poblacion, Kalibo, Aklan.
Ginkilaea ro biktima kay Emilda Mendoza, 52-anyos, residente it nasambitang lugar.
Base sa report, maghalin sigon sa birthday party ro anang unga kaibahan ro anang mga barkada kun siin nagaplano pa sigon kunta ro mga raya nga mag-inum sa andang baeay kat gulpi eamang nag-abot ro anang gumankon ag gin-ayat it inaway ro anang unga.
Dali-dali nga ginpasueod it biktima ro anang unga ag dikara hay nagpueot sigon it bato ro anang gumankon ag ginhinaboy sa andang baeay kon sa siin naiguan imaw sa anang dahi kamana man nga nakaangkon it tama sa likod ro anang mister.
Ro ginatumod nga rason it biktima sa paghimo it kinagamo it suspek hay bangud sa personal nga alitan kara sa tunga it anang unga.
Sa makarun hay padayun pang confined sa Aklan Provincial Hospital ro biktima para sa nagakaigo nga pagbueong.
