Sangka babaye sa Germany ro gin-aresto matapos kara nga patyon ro anang kamukha agud nga magpakuno-kluno nga imaw hay namatay eon!
Suno sa German police, pinatay it 23-anyos nga si Sharaban K. ro 23-anyos nga beauty vlogger nga si Khadidja O. sa Ingolstadt, Germany ko Agosto 2022.
Ginbuno it masobra sa 50 beses si Khadidja ag gin-aywan ro anang eawas sa saeakyan nga ginapanag-iyahan ni Sharaban.
Matapos ro krimen, nagpanago eon si Sharaban kaibahan ro kasabwat ag boyfriend kara nga si Sheqir K.
Sa pag-imbestiga it mga awtoridad, gin-eaum nanda nga ro bangkay ag ro tag-ana it saeakyan kun s a siin raya nasapwan hay sangka tawo eamang.
Apang sa bulig it autopsy report, natukiban it mga awtoridad nga ro bangkay hay si Khadidja.
Bangud kara, naglunsar it maeapnagon nga imbestigasyon nga gintawag it German media bilang “The Doppelganger Murder”.
Na-trace it mga awtoridad si Sharaban ag ro boyfriend kara ag gin-aresto.
Sa pag-imbestiga sa social media activities ni Sharaban, nasayuran nga gina-amiga nana ro mga babaying nakikita nana nga anang kamukha sa Instagram.
Nagpromisa nga magaregalo si Sharaban it beauty products kon magpasugot nga makipag-meetup kana.
Ro napasugot eamang nana nga makipagkita kana hay si Khadidja.
Ko nagtaliwan eamang nga domingo, ginkasuhan it murder si Sharaban ag ro anang boyfriend nga si Sheqir.
Sa makaron, ginabista pa ro kaso ag kun masentensiyahan sanda it guilty, hasta nagakabuhi sanda nga makulong.
