Sangka babaye sa Rio de Janeiro ro gina-istoryahan makaron sa bilog nga Brazil matapos ma-in love ag pakaslan ro sangka ragdoll!
Nakilaea it 37-anyos nga si Meirivone Rocha Morales ro anang ‘‘soulmate’’ nga manika matapos imaw nga magreklamo sa anang ina nga mabuhay eon imaw nga single ag owa it makapareha sa saot sa mga party.
Naeo-oy ro ina kay Meirivone rason nga nag obra imaw it eaeaking rag doll halin sa mga retaso it tela ag ginpangaeanan nga si “Marcelo”.
Gintau nana si Marcelo kay Meirivone.
Na-love at first sight man si Meirivone sa manikang si Marcelo.
Sangka vlogger si Meirivone ag ginapakita nana sa anang mga videos ro pagmaeahaean nanda ni Marcelo.
Matapos ro pilang buean nga pagmaeahaean, nagpakasae sanday Meirivone ag Marcelo.
Gintambungan it masobra sa 250 nga katawo ro andang wedding ceremony.
Hasta nga gin anunsyo ni Meirivone nga imaw hay nabdos ag si Marcelo ro ama.
Ko nagtaliwan nga Mayo 21, gin unga ni Meirivone ro andang unga ni Marcelo nga ginpangaeanan nana nga si Marcelino.
Gin unga nana si Marcelino sa andang baeay ag nag-labor imaw sa sueod eamang it 35 minutes.
Nakita it 200 nga online viewers ro pag unga bangud nga raya hay naka-livestream.
Maabu nga netizens ro naghambae nga gina-obra raya ni Meirivone agud nga mataeupangdan ag makahimo it kakaibang online content.
Hugut man nga ginpamalibaran ni Meirivone ro mga pasibangud ag nagpanindugan imaw nga matuod ro pagpalangga nana kay Marcelo ag bukon it paguwa eamang.
Nasayuran nga ro anang unga hay sangka rag doll man .
