Balitang Espesyal———–Agud nga makabaeos sa anang dating nobyo, ginhueam it sangka babaye sa China ro saeakyan kara ag 49 nga beses nga hungod nga gin-eampasan ro mga red light sa karsada para maeubong sa multa ro eaeaki.
Suno sa report, nakumbinsi it babaye, nga nakilaea eamang sa pangaean nga Lou, ro sambilog pang eaeaki nga arkilahon ro kotse it dati nana nga boyfriend.
Kat mabo-oe ro kotse, ginhungod sigon ni Lou ag ko sambilog pang kaibahan kara nga eampasan ro 49 nga mga red lights sa mga karsadahon samtang sakay it gin-arkilang saeakyan.
Daywang adlaw nga ginlibot ni Lou ro saeakyan para eang nga mag-“beating the red light”.
Sa ulihi hay naaresto man si Lou ag ro anang kaibahan sa saeakyan nga ginpromisahan gali it babaye it ‘date’ kun paga-ibhan imaw kara sa anang kakaibang pamaagi it pagbaeos sa dating nobyo.
