Nabalian it ribs ro sangka 24-anyos nga daeaga sa Shanghai matapos raya nga gin ubo bangud sa ginkaon nga spicy food!
Suno sa daeaga nga gintago sa alyas nga “Miss Huang”, nagakaon imaw spicy food kat gin ubo it grabe bangud sa sobrang kahaeang.
Samtang gina inubo it grabe, nakabati imaw it pag-eagtok it anang dughan ag insigida imaw nga nakabatyag it mahapding pagsakit sa dughan sa kada imaw hay naga-ginhawa ag nagahambae.
Ro unang pageaum ni Miss Huang, imaw hay na-stroke rason nga nagtawag imaw it ambulansiya nga magadaea kana sa pinakamaeapit nga ospital.
Sa bulig it CT scan, nakita nga may una nga ap-at nga fractured ribs.
Mag-eowas kara, ginpaidaeum imaw sa bone density test ag normal man ro anang mga toe-an.
Sa check-up nga ginpatigayon kana it thoracic surgeon, idtu nasayuran nga ro pagkabali it anang ribs hay bangud sa poor musculature.
Si Miss Huang hay may kataason nga 5 feet 8 inches ag may timbang nga 125 lbs.
Sa sobra nana nga kaniwang, makita ag haeos nagahurma ro ribs sa anang panit.
Bangud nga owa it muscle nga nagasuporta sa anang mga toe-an, madasig imaw nga mabalian it ribs bangud sa simpleng pag-ubo.
Ginpaandaman si Huang it anang doktor nga kun indi imaw magpatambok, mauman eon man ro fracture sa anang ribs sa kada imaw hay paga-ubuhon it grabe.
Sa makaron hay kinahangean nga magsuksok ni Miss Huang it medicinal corset sa anang torso samtang ginahueat nga magmayad ro anang ribs.
Matapos it anang treatment, ginaplano eon nana nga magdugang it timbang.
