Naglista it record ro sangka 48-anyos nga babaye matapos nga sakaon ro Mt. Everest it 10 beses.
Si Lhakpa Sherpa nga sangka single mother halin sa Nepal hay ro unang babaye nga nakasaka it 10 beses sa ginkabig nga pinakamataas nga bukid sa bilog nga kalibutan.
Ulihi imaw nga nagsaka sa nasambit nga bukid ko 2018 sa kataason nga 29,031.60 feet.
Sa pag-istorya ni Sherpa, ro unang beses nana nga pagsaka sa Mt. Everest hay medyo pagtuman sa anang handom sa kabuhi.
Gusto eamang sigon nana nga pamatud-an nga may kapasidad ro mga kababayin-an sa andang lugar rason nga haeos kada dag-on hay nagasaka imaw sa Mt. Everest.
Nag-umpisa imaw nga magsaka ko 2000 ag pag-abot it 2003 hay nabuoe nana ro record nga unang babaye nga tatlong beses eon nga nakasaka sa nasambit nga bukid.
