Balitang Espesyal——-Sangka babaye sa Ontario ro naga apply para sa Guinness World Record matapos nga makompleto nana ro 40,320-piece puzzle, ro ginakabig nga pinakamabahoe nga available nga jigsaw puzzle nga ginabaligya sa bilog nga kalibutan sa sueod it 150 oras .
Gin-obra ni Maxine Olive, 24 anyos it Belleville ro Ravensburger Memorable Moments puzzle, sangka 10-panel collection it interlocking puzzles nga nagapakita it mga characters halin sa Disney animated movies.
Suno kay Olive nga haeos 16 oras ro anang gina-ubos sa sueod it sang adlaw sa pag-obra it puzzle, kun sa siin natapos nana raya sa kabilugan nga 150 oras .
Gin-live stream video it nasambit nga puzzle enthusiast ro anang attempt sa Twitch ag nag post it mga updates sa anang Facebook samtang nagapadayun ro anang pagbilog it puzzle .
Nasayuran nga ro Ravensburger Memorable Moments puzzle, nga may Guinness World Record para sa largest commercially available jigsaw puzzle, hay dating gin assemble sa kadasig nga 423 oras it sangka eaeaki halin sa Massachusetts .
Suno kay Olive nga ro nasambit nga video ag iba pang ebidensiya halin sa anang attempt hay natigayon eon nga maipasa sa Guinness para sa opisyal kara nga pagkilaea .
