Nagabakae sa sangka scratch card vending machine si LaQuedra Edwards kat saea nga card ro anang nabakae ag raya ro naging rason agud nga matamaan nana ro jackpot prize!
Bag-o eamang nga ginsutsot ni Edwards ro $40 dollars sa lottery vending machine sa sangka supermarket kat may sangka eaeaki nga nagsapding kana.
Bangud kara, napindot nana ro saea nga ticket ag naagto sa 200X Scratchers ticket nga nagabalor it $30 dollars.
Naakig si Edwards bangud nga ro anang plano eamang hay magbakae it barato nga scratch card ag bukon it mahae nga kapareho it 200x Scratchers ticket.
Mag-eowas kara, owa nagpangayo it pasaylo ro eaeaki ag dire-diretsong naggguwa it supermarket.
Sa sueod eon it saeakyan nana si Edwards kat kaskason ro scratch card ag nakibot imaw sa nadag-an nga $10 million dollars.
Indi makapati si Edwards ag nakasigurado eamang imaw nga nagdaog it jackpot prize kat makauli eon sa andang baeay.
Ro plano ni Edwards sa anang nadag-an hay magbakae it house and lot ag magpatindog it sangka non-profit organization.
