Grabeng pagpalangga ro nagtueod sa sangka 49-anyos nga babaye sa United Kingdom rason nga ginpakaslan nana ro anang alagang kuring nga si India.
Base sa report, may mga unga eon ro single parent nga si Deborah Hodge.
Ko nagtaliwan nga dag-on, pilang beses eon sigon sanda nga nagsinaylo-saylo it baeay.
Apang kada nagasaylo sanda, napipilitan imaw nga ipa-ampon ro anang alagang sapat bangud nga owa nagapasugot ro mga landlord nga daehon nana ro mga raya.
Apang sa makaron nga kahigayunan, indi nana mahimo nga pabay-an ro anang kuring nga si India.
Rason nga pinaagi sa sangka civil ceremony nga ginpangunahan it anang amigo nga legally ordained, ginpakaslan nana ro kuring.
Nakataeana eon man nga magsaylo it ilistaran ro pamilya ni Deborah.
Apang sa makaron nga kahigayunan, nagaeaum imaw nga pagabatunon it anang magiging bag-ong landlord si India, bilang anang asawa.
Ginpahayag pa ni Deborah nga haum imaw nga mag istar sa kalye kun kinahangean para sa kuring basta nga kaibahan nana raya.
