-- ADVERTISEMENT --
KALIBO, Aklan—Akisenteng nahueog ro sangka babayeng bakasyunista sa ikatlong paeapag it sangka resort sa isla it Boracay.
Nag-angkon it pila ka mga gasgas ag lastro sa eawas ro biktimang si Leana Carmen Moreno, 42-anyos, residente it San Antonio, Pasig City kung siin temporaryo rayang naka-tinir sa sangka resort sa bahin it Brgy. Balabag sa nasambit nga isla.
Base sa inisyal nga imbestigasyon it pulisya, aksidenteng nahueog ro biktima halin sa annex building it natungdan nga resort kamana man nga ginatan-aw pa it mga otoridad ro posibilidad nga nahueog raya bangud sa sobrang kahilungon.
Angot kara, gilayon man nga gindaea sa Ciriaco Tirol Hospital ro biktima para sa nagakaigo nga medikasyon.
