Gustong magpakasae apang owa it jowa? No problem ron sa sangka babaye sa India nga ginpakaslan eon lang ro anang kaugalingon bangud nga naga-oy eon sigon imaw it inusoy sa anang “the one.”
Ginasugid nga naga-oy eon sigon si Kshama Bindu sa pag-usoy it karelasyon rason nga ginpili nana nga pakaslan ro anang kaugalingon maskin pa nga nagtuga raya it kontrobersiya ag pag-oponer sa sangka pro-Hindu political party sa andang nasyon.
Ginhimo ni Kshama, 24-anyos, ro mga tradisyonal nga Vedic rituals, ukon tradisyon sa kasaean it mga Hindu.
Unang gintaeana ro anang kasae ko Hunyo 11 apang owa nadayun kat nag-isoe ro pari ag ginkansela it templo ro anang booking.
Apang ginpadayun nana ro kasae sa andang baeay nga owa man sigon it kinaiba sa ibang Hindu wedding bangud nga gin-obra nana ro tanan nga tradisyon.
Nasayuran nga sangka bisexual si Kshama ag nagapati nga imaw ro kauna-unahang “sologamist” it India.
Gusto sigon nana nga maging inspirasyon sa mga nagaoy eon nga mag usoy it true love.
Apang nagapamaeabag ro pro-hindu political party nga Bharatiya Janata Party, sa gin-obra ni Kshama.
Eabag sigon sa pagpati it Hinduism ro anang gin-obra.
Suno kay Kshama, suportado it anang ina ag mga amigo ro anang pagpakasae sa kaugalingon.
Eubus nga kalipay sigon ro anang nabatyagan matapos ro anang kasae.
