(Update) KALIBO, Aklan– Ginkumpirma it medico legal officer it Regional Crime Laboratory Office, Region VI nga blunt force head trauma ro ginkamatay it 23-anyos nga babayeng nasapwan nga patay ag naga-eutaw-eutaw nga hubeas sa irrigation canal sa Barangay Mataphao, New Washington, Aklan.
Suno kay Dr. Joe Martin Fuentes, nakitaan it mabahoe nga nina sa ueo ro biktimang si Jennifer Zaulda ag residente it nasambit nga lugar kun sa siin, patay eon sigon raya antes pa man nga ginpilak sa tubi.
Mag-eowas kara, positibo sigon nga may sexual violence nga natabu sa biktima bangud sa nakitang laceration sa anang kinatawo nga pruwebang ginhimuslan ro babaye antes nga pinatay.
Samtang, naka-kulong eon makaron sa New Washington Police Station ro suspek nga si Rockson Roque alyas Bombay, 32, residente it Sitio Tabiling sa nasambit nga barangay sa kasong homicide.
Posibleng igasunod kara ro pagpasaka it kasong rape.
Nasayuran nga si Zaulda hay may live-in partner nga presenteng nagatrabaho sa isla it Romblon ag may sambilog sanda nga unga nga babaye.
