BALITANG ESPESYAL – Sangka 27-anyos nga babayi sa Illinois, U.S.A. ro nakalista it world record bangud sa mabahoe nana nga koleksiyon it stuffed toy brand nga Squishmallows!
Ginkumpirma it records keeping organization nga Guinness World Records nga si Sabrina Dausman ro pinakabag-ong record holder it titueong “Largest Collection of Squishmallows” matapos nag-abot sa 1,523 nga bilog it Squishmallows ro anang koleksiyn.
Sa pakikipag-angot kay Sabrina, nag-umpisa imaw it mangolekta kara ku 2018 kat makita nana ro sangka mga variant kara nga si “Fern the Valentine Fox” sa sangka department store.
Insigida nana raya nga ginbakae ag halin kato hay uwa eun imaw nagpundo sa pangolekta kara.
Ro Squishmallows hay mga stuffed toys nga kilaea nga mala-marshmallow nga texture.
Ro mga Squishmallows hay hurma it nagkaeain-eain nga sapat, mythical creatures, ag iba pang cute nga character, kada isaea hay may kinaugalingon nga panagaean ag backstory.
