KALIBO, Aklan — Nagtuga it eskandalo ro sangka insidente it gina-alegar nga pagpanghimueos it sangka owa ginpangaeanan nga eaeaki sa sangka baboy nga nayon sa sueod it piggery sa Brgy. Camanci Norte sa banwa it Numancia.
Suno sa nagapanag-iya it baboy nga nagpamalibad nga magpasambit it pangaean nga nagbangon imaw agud nga mag-inom it tubi kat mabatian ro sangag nga tuga it anang alagang baboy.
Insigida kara nga gin-agtunan ro babuyan ag idtu naaktuhan ro suspek nga hubeas ag gina-alegar nga ginahimuslan ro anang baboy.
Ginsinggitan sigon nana raya rason nga kumaripas it daeagan nga owa pa nasuksok ro anang eambong ag pilit nga ginatago ro anang itsura.
Ginhana pa sigon nana raya nga eagson it sanduko, apang owa naabutan.
Nagdangop sa barangay council ro tag-ana it baboy bangud nga haeos tatlong beses eon sigon nga ginhimo it suspek ro pagbaboy sa anang alaga nga manug-orok sa katapusan it buean.
Nasayuran nga kat gin-usisa ro anang alaga hay nakita nga nagapuea ro anang kinatawo ag nakita nga nagatueo pa ro semilya it tawo halin kara.
Samtang , nakataeana nga igapatawag ni barangay captain John Maribojo hin-aga nga adlaw ro nagapanag-iya it baboy agud nga mahingadlan ro suspek.
Tuyo kara nga maistorya ag malaygayan it kapitan ro suspek sa pagkabaeaka nga basi obrahon man nana sa mga kababayin-an partikular sa mga menor de edad ro ginhimo nga paghimueos.
