BALITANG Espesyal — Sangka bag-ong natawo nga endangered hippopotamus ro ginadayo makaron it mga “fans” sa Thailand!
Ko Hulyo 10, 2024, gin-unga ro sangka rare pigmy hippopotamus sa Khao Kheow Open Zoo sa Chonburi, Thailand.
Bangud nga endangered ro makarondaya nga klase it mga hippopotamus, nag-viral sa Thai netizens ro pag-unga kara ag nakaangkon pa it online voting kun ano ro anang magiging pangaean.
Matapos ro botohan, gindesisyunan it mga netizens nga pangaeanan raya nga “Moo Deng” nga halin sa pangaean it sangka suea sa Thailand nga nagakahueugan it ‘Bouncy Pork’.
Bangud sa kasikatan ni Moo Deng, ro mahipos nga zoo kun siin raya makit-an hay ginadayo eon it mga turista.
Suno sa nagadumaea it zoo, ro dating hundreds of visitors nanda sa sang adlaw hay naga-abot eon makaron it 7,000 to 10,000 visitors.
Mag-eowas sa pagiging “celebrity”, makabig man sigon nga grasya si Moo Deng, sa mga taga-Chonburi bangud nga pati ro mga kaiping nga tourist attraction sa zoo kun sa siin raya naga-istar hay nakaangkon man it mga bisita.
