KALIBO, Aklan—Naga-abot eon lang sa masobra sa 3,000 ro backlog ukon numero it mga driver’s license nga nakatengga sa Land Transportation Office ukon LTO Aklan.
Suno kay Shiela Mae Melgarejo, OIC it LTO-Aklan nga naga-overtime sanda agud nga masolusyunan ro backlog it mga ID card it mga magarenew ag mga bag-ong driver’s licenses.
Mayad suno kana nga balita bangud nga halin sa dating masobra sa 18,000 nga mga nakapending nga driver’s license hay naga-abot eon lang raya makaron sa 3,339 .
Dugang pa nga ro tanan nga nag apply it lisensiya antes ro August 2023 hay pwede eon nga mabo-oe sa andang taeatapan.
Sa pihak nga parte, ginpahayag ni Melgarejo nga ginahueat pa nanda ro implementing rules and regulations ukon IRR angot sa pagsuspinde it LTO sa pagpareshistro it light electric vehicles kapareho it e-scooter, e-bikes ag e-trikes, pati man ro pag-obliga sa mga nagagamit kara nga magbo-oe it lisensya.
