Kalibo Aklan —- Nagapabilin nga confine sa Aklan Provincial Hospital ro sangka binatilyo matapos nga sumunggab ro gina-angkasan nga motorsiklo sa gulping nagpundo nga tricycle sa porsyon it crossing Jugas-Camaligan New Washington.
Ro biktima hay ginkilaea kay Vin Cyril Carlos, 18-anyos ag residente it Brgy. Aranas, Balete.
Base sa inisyal nga imbestigasyon, maghalin sa banwa it New Washington ro biktima kaibahan ro driver it motorsiklo nga si John Marlon Bulosok matapos nga magdeliver it home made candy maghalin sa banwa it Balete.
Matapos ro pagdeliver hay nag-uli sigon daywa apang, pag-abot sa namabitang lugar, may sangka tricycle nga gulping nagpundo.
Bangud kara, owa eun nakapreno si Bulosok nga nangin rason it andang pagkatumba.
Lastro sa tuo nga dueonggan ag gas-gas sa nagkaeain eain nga parte it kaeawasan ro naangkon it backrider nga si Carlos samtang minor injuries man ro naangkon it driver it motorsiklo.
