Nagahayag it pagkadismaya ro sektor it transportasyon matapos nga mag-angkon it aberya sa ginapana-o nga ayuda.
Suno kay Rudy Agsam Catedral, president it BACOD Manibela, ro fuel subsidy nga ginapanupod hay gina-paagi sa cheke.
Sa gin-isyu nga cheke, uwa sigon naga-tugma ro pangaean it account sa mga benepisyaryo.
Dugang pa kara nga imbes nga tig-an-om hasta limang libo ro mabaton it mga operators, samtang P1500 ro para sa mga drivers, ro suoed sigon it mga account hay mas mabahoe kaysa kara.
Sa anang pagtantya, masobra 30 eon ro nakaeksperyensya it parehong problema sa andang sektor. Insigida man sigon nandang ginpaabot sa Land Transportation Franchising and Regulatory Board (LTFRB) ro nasambit nga isyu kun sa siin ginpabalik man ro m,ga cheke sa Central Office.
Gina-aku man sigon it nasambit nga taeatapan ro andang kakueangan sa sistema it pagpanao it ayuda.
Paathag man ni Catedra, ginakabig nanda rayang pag-sabotahe ag pagpang-gipit sa sektor it transportasyon kapin eon makaron nga una sa krisis ro andang kahimtangan.
