Baeasahan sa local police eauman kasunod it  ‘shooting incidents’ kun siin mga local officials ro biktima – Abalos

Ginpahayag ni Interior and Local Government Secretary Benhur Abalos nga magapatuman raya it baeasahan kasunod it  insidenteng pagpatay  nga ginakaeakutan it   mga local officials kun siin si Negros Oriental Gov. Roel Degamo ro ulihing  biktima.

Suno kay Abalos, indi dapat sigon  magpakumpyansa ro  mga kapulisan rason nga kinahangeang  ipakita sa publiko nga seryoso ro PNP sa pagtapna  sa kriminalidad eabi eon sa pagsikyar   sa kaso it  pag-atake sa mga elected officials.

Madumduman nga pilang serye eon it krimen ro nagkinatabo sa nasyon ag  ro mga biktima hay kaeabanan  mga elected officials kun siin makabaeaka eon sigon para sa gobyerno.