POLICE Report — Naduea-an it ilistaran ro mag-asawang senior citizen matapos nga eamunon it kaeayo ro andang baeay sa Brgy. San Isidro, Candon City, Ilocos Sur.
Ginkilaea ro tag-ana it baeay nga sanday Romeo Vienegas Ilagan, 71, ag Luzviminda Mangay-ayam Ilagan, 75-anyos.
Bandang alas-9:01 it gabi-i kat mag-umpisa ro sunog nga nagbuhay it haeos tunga sa oras.
Suno kay Luzviminda Ilagan, nagsindi imaw it katol sa sueod it andang kwarto ag ginbutang sa idaeum it andang katre.
Pagkatapos kara hay nagpanaog imaw agud nga magpaligos samtang nakatutuk mat’a ro anang mister sa pagtan-aw it TV sa 1st floor it andang baeay.
Kat matapos imaw nga magpaligos hay insigida imaw nga nagsaka sa 2nd floor apang nakibot imaw kat makitang nagakasunog eon ro andang kwarto.
Bangud kara, insigida nanda nga ginbo-oe ro andang mga importanteng gamit ag nagguwa sa baeay.
Insigida sanda nga nagpangayo it bulig sa mga kaeapitbaeay para magtawag it bumbero.
Owa it napabalitang naninahan sa nasambit nga sunog.
