KALIBO, Aklan — Kapin sa P30,000 ro nailistang danyos sa pagkasunog it baeya it sangka mangingisda bandang alas-4:00 it hapon sa nabukid nga parte it Sitio Kauhungan, Brgy. Rosario, Malinao, Aklan.
Nakilaea ro nasunugan it baeay nga si Danilo Balangat, 58, ag residente it nasambit nga lugar.
Base sa report, nagapuna ro mangingisda it lambat kat anang mapan-uhan nga nagakaeayo eon ro andang baeay.
Madasig nga nagkalhit ro kaeayo bangud himo eamang sa light materials ro baeay.
Bangud kara, owa sanda it nasalbar nga maskin anuman nga gamit mag-eowas eamang sa andang suksok nga eambong.
Maskin sigon ro mga school supplies it ana nga mga onga nga bag-ong bakae matapos nga mabaton ro assistance halin sa 4P’s hay naabo man.
Ginapatihan nga ro sunog hay naghalin sa andang circuit breaker.
