-- ADVERTISEMENT --
KALIBO, Aklan — Ginsalakay it Makato Police Station ro baeay it sangka 29-anyos nga eaeaki nga gina-alegar nga nagapinaeupok it baril sa Brgy. Tibiawan, Makato.
Sa gahum it search warrant, ginsueod it mga operatiba ro baeay ni Jhensel Tropa, residente it nasambit nga lugar.
Pila sa nabo-oe halin sa anang baeay hay ap-at nga bala it .38 kalibre nga baril.
Naaresto ro suspek sa ginpatigayon nga operasyon ag posibleng magapangatubang sa kasong RA 10591 ukon Comprehensive Firearms and Ammunition Regulation Act.
Ginasugid nga kada mahilong hay nagapinaeupok si Tropa it baril nga nagatuga it kakoeba sa anang mga kaeapit-baeay.
-- ADVERTISEMENT --
Mag-eowas kara, may record man sigon imaw nga gintutukan it baril ro andang dating barangay official.
