-- ADVERTISEMENT --
KALIBO, Aklan— Gintakawan it uwa pa nakilaeang manakaw ro sangka negosyante sa sueod mismo it andang baeay sa Barangay Andagao, Kalibo, Aklan.
Ginkilaea ro biktima nga si Shane Delfin Degala, sa legal nga edad ag residente it nasambitang lugar.
Base sa inisyal nga imbestigasyon it Kalibo Police Station, nabugtaw eon lang sigon pagkaagahon ro biktima nga naduea eon ro anang bag nga may sueod nga kapin sa P200,000.00 ag sangka maeahaeong cellphone nga nakabutang sa ibabaw it lamesa sa sueod it anang kwarto.
Dugang pa kara, nga nakabukas eon ro anang bintana nga ginapatihang dikara nag-agi ro mga manakaw.
Padayon man nga gina-imbestigahan it pulisya ro nasambitang insidente.
-- ADVERTISEMENT --
