Naugdaw ro sangka panimaeay sa Purok 1, brgy. Mobo Kalibo bandang alas 6 it hapon ku adlaw it Dominggo, Hunyo 14.
Suno kay FO1 Jan Ryl Magno, fire arson investigator it Bureau of Fire Protection (BFP) Kalibo, ro nasambit nga panimaeay hay ginapanag-iyahan ni John Mark Pastrana kun sa siin, imaw man mismo ro nag-report sa BFP Kalibo para nga iparecord ro insidente.
Ro nasambit nga panimaeay hay ginagamit bilang pahuwayan ag storage house it anang mga gamit sa pagpananom. Raya hay himo sa light materials ag nakahamtang sa open area maeapit sa pangpang it suba kaya madali nga nagkalhit ro kaeayo.
Base sa inisyal nga imbestigasyon it BFP Kalibo, ginatantyang gaabot sa P3k ro danyos nga gin-aywan it nasambitan nga sunog kun sa siin pwede pa raya nga mag-bahoe kun magsumite it affidavit of fire loss ro tag-iya. Apang suno sigon kara hay indi raya makapasa it nasambit nga dokumento ag tuyo eamang kara nga iparecord sa taeatapan ro insidente.
Sa makaron, nagapadayon pa ro imbestigasyon sa ginhalin it kaeayo.
