KALIBO, Aklan—Kapareho sa Pilipinas hay ginamarkahan man it mga pomoeuyo sa nasyong Bahamas ro andang bag-ong dag-on pamaagi sa pagpaeupok.
Suno kay Bombo International Correspondent Jihanne Lizza Hosmillo Williams ag auditor it Filipino Association sa Bahamas nga nauuso man sa nasambitan nga nasyon ro bonggang mga fireworks sa pagsug aeaw sa bag-ong dag-on.
Apang, hugot nga ginabawaean ro kada panimaeay nga magpaeupok sa anda mismong residensiya.
Bangud kara hay ro mga mabahoe eamang nga mga hotel ag pilang ka mga private development ro nagapaeupok it fire work sa sueod it haeos 15 minutos.
Raya man hay bukas para sa tanan nga mga gustong magpamantaw.
May mga iba man nga nagaguwa eamang sa andang baeay agud masipeatan ro kanami it mga fireworks.
