Maga-abot ro bag-ong Washington envoy to the Philippines sa katapusan it buean suno sa sangka senior diplomat it US samtang nagaeaum man ro Amerika nga pabaskugon ro kooperasyong pang-ekonomiya, seguridad ag pangpulitika sa mabuhay eon nga kaalyado kara sa idaeom it administrasyong Ferdinand Marcos Jr.
Ginbutang ni Pangueong Joe Biden sa pwesto ro career diplomat nga si MaryKay Loss Carlson bilang masunod nga ambassador it US sa Pilipinas kung siin ro nasambit ga pwesto hay natigayon nga mabakante ku nagtaliwan nga Oktubre 2020.
Sangka beteranong diplomat, si Carlson at naging Deputy Chief of Mission sa US Embassy sa Buenos Aires, Argentina antes ro anang appointment sa Manila.
Samtang, nagsueod si Carlson sa foreign service dag-ong 1985 matapos maboue ro anang degree sa Spanish ag International Studies maghalin sa Rhodes College sa Memphis, Tennessee ag Master of Arts sa International Relations maghalin sa Georgetown University sa Washington, D.C.
