-- ADVERTISEMENT --
KALIBO, Aklan—Posibleng sa Lunes nga adlaw hay maga-abot eon ro bag-ong ginbakae nga weighing scale para sa slaughterhouse it banwa it Banga.
Raya ro ginpahayag ni Elmer Prado, head it Maintenance Division it Slaughterhouse nga nahamtang sa barangay Pagsanghan, Banga.
Suno kana nga ginpaabot it andang Municipal Economic Enterprise and Development Office ukon MEEDO nga natigayon eon raya nga maka-order it bag-ong digital nga kilohan sa siyudad it Iloilo ag nakataeanang maga abot sa masunod nga domingo.
Aminado man si Prado nga haeos 15 anyos eon ro andang dating kilohan ag bangud sa kalumaan hay gina reklamo raya it mga matansero ag tindero sa Banga Public Market bangud sa gina-alegar nga bukon it ensaktong timbang.
