Sangka klase it higanteng waterlily nga kaeabanan nga makita sa South America ro nakahimo it pilang world records base sa kumpirmasyon it Guinness Book of World Records.
Ginkilaea it Guinness Book of World Records ro Victoria boliviana bilang pinakamabahoe nga species it waterlilly, kamana man nga pinakamabahoe nga dahon it waterlily ag pinakamabahoe nga dahon nga owa nagisi.
Ro species hay korondaya eamang natumod nga distinct species it team it mga researchers sa pagpanguna it Kew Garden’s scientific and botanical research horticulturalist nga si Carlos Magdalena.
Nagapabilin ro species sa Royal Botanic Gardens sa London sa sueod it 177 years.
Antes ro pagkadiskubre sa distinct species, ro higanteng waterlilies hay ginapatihan nga naeakip sa separadong species, ro Victoria amazonica.
Ro bag-ong species hay ro kauna-unahan nga bag-ong species it giant waterlily nga nadiskubre may syen anyos eon ro nagtaliwan.
Ro dahon it Victoria boliviana lily hay may bug-at nga 176 pounds ag posibleng mag-eapad it hasta sa ten feet.
Ro latest specimen kara hay nakita sa La Rinconada gardens sa Santa Cruz de la Sierra, Bolivia, nga may sukat nga 10 feet 6 inches ro eapad.
