KALIBO, Aklan — Gustong nga bag-uhon it sangka registered pharmacist ro panan-aw it kaabuan hanungod sa mga kapareho na nga pharmacist.
Suno Kimberly Santillan, 21-anyos it Poblacion New Washington ag makaron hay sangka Registered Pharmacist eon, gusto na nga bag-uhon ro panan-aw it mga tawo nga sandang mga pharmacist hay bukon eamang it mga tindera sa mga botika.
Sa kamatuoran sigon, sanda hay kaparte man patag it medisina ag sambilog sanda sa mga nagabulig sa mga pasyente.
Sanda sigon ro nagatao it bueong sa mga pasyente nga gin-prescribe it mga doktor.
Sanda man ro nagaturo sa mga pasyente kung paano gamiton ro bueong ag ano ro dapat nga dosage nga kinahang-ean.
Sa pihak nga parte, gin-istorya ni Santillan nga owa nangin madali para kana ro anang gin-agihan antes imaw nakapasar sa examination it registered pharmacist.
Ginakabig na nga “roller coaster ride” ro anang mga gin-agyan antes na naabot ro anang handum.
Gintiis na suno kana nga mapaeayo sa anang pamilya it pilang buean para sa anang handum.
May kaangtanan kara, gintatak na eamang sa anang isip nga magiging “worth it” tanan ro anang kabudlay kung maangkon na eon ro tatlong letra nga extension sa anang pangaean.
“…ro mga pharmacist hay bukon eamang it tindera sa botika”
