Daywa hasta tatlong pangaean eon lang ro una sa shortlist ni Pangueong Ferdinand Marcos Jr. para pagpilian bilang bag-ong press secretary.
Ginpahayag it pangueo nga maeapit eon nga mapun-an ro puwesto kung siin nakataeana eon nanda raya nga iga-anunsyo sa masunod nga dominggo.
Nagpamalibad man ro presidente nga mitlangon ro mga pangaean nga pagapilian nanda bangud magiging unfair sigon sa mga una sa shortlist kung bukon it sanda it mapili.
Pila sa kwalipikasyon nga ginakonsidera it pangueo nga maging bag-ong cabinet official hay ro amigo it media, maeapad ro eksperyensya sa pamamahayag, posible sigon nga journalist ukon media pratitioner ag kantigo sa pagtao it mensahe.
Tuyo kara nga maipaabot sa kasayuran it publiko ro gustong ipahisayod nga impormasyon it gobyerno.
Madumduman nga ko adlaw it Lunes hay nagsumite it anang resignation letter kay Pangueong Marcos si dating Press Secretary Trixie Cruz Angeles bangud sa medical nga rason.
