KALIBO, Aklan—Ginpaabot it Provincial Disaster Risk Reduction and Management Office ukon PDRRMO nga madinaeg-on nga ginturn over it supplier ro sangka unit it rescue truck nga pagagamiton para sa mga rescue operations it probinsiya halin sa Local Risk Reduction Management Fund it provincial government nga nagablor it P9.5 million bangud nga raya hay specialized eun.
Suno kay Jeffrey Jizmundo it PDRRMO nga ro pondo hay gintaeana para sa pagbakae it mga equipment ag iba pang kinahang-eanon may kaangtanan sa rescue operations.
Dugang pa ni Jizmundo nga ro presenteng response vehicle hay pang emergency medical response eamang ag indi maka-karga it maabong gamit.
Ro pinagkaiba sigon it daywang saeakyan it probinsiya hay ro pagiging advance it rescue truck kung siin nga ginapatihan nga nagakabagay sa pagresponde kapin sa mga disgrasya na nagakinahang-ean it insigida ag epektibo nga hueag ag gamit ukon rescue bangud nga may nagakaigo raya ng mga equipment.
Ro truck sigon hay halin sa Palmer Asia Philippines nga sambilog sa mga manufacturer it makarondaya nga klase it saeakyan.
Ginpaathag ni Jizmundo nga ro pagbakae it saeakyan hay ginproponer agud nga mapadali ro pagresponde ag ro rescue truck hay pwedeng gamiton bilang mobile equipment room.
Nasayuran nga ro truck paeang hay nagabalor it P6.5 milyon dugang pa ro P3 milyon nga mga equipment kara.
