POLICE Report — Agaw-eksena ro panibag-ong insidente it road rage sa Antipolo City, Rizal matapos magkainitan ag magbaeaywan sa tunga it karsada ro daywang rider.
Sa viral Facebook post ni Henessy Ashley, nauli sa baeaywan ro diskusyon sa trapiko it sangka driver it motorsiklo ag sangka e-trike, nga nagdulot it traffic sa lugar.
Sa mayad nga swerte ag naawat ro pagbaeanatan it daywang rider matapos magpatunga ro sambilog pang kapareho nanda nga rider.
“Kaya naman pala traffic, araw araw nalang antipolo city WHAHAHAHAHAHA! NUMERO UNO SA ROAD RAGE,” pahayag ni Ashley sa anang post.
Madumduman nga kan-o eamang hay nag-viral man ro away sa karsada sa Antipolo nga nauli sa baearilan, kun sa siin sambilog sa tatlong nabaril nga biktima hay eubusan eon nga binawian it kabuhi.
