Owa pa man nakaginhawa ro mga motorista matapos ro haeos limang piso nga umento sa presyo it produktong petrolyo makaron nga domingo, sa next week hay may pagaeauman eon man nga panibag-ong round it oil price hike.
Suno sa oil indrustry sources, P2.00 hasta P2.50 ro posibleng igasaka sa kada litro it diesel.
May una man nga pagaeauman nga umento sa gasolina nga posibleng umabot it 20 sentimos hasta 50 sentimos sa kada litro kara.
Ginaeauman nga iga-anunsyo ro opisyal nga price adjustments sa Lunes, samtang igapatuman raya sa Martes.
Nauna eon nga ginpahayag it Department of Energy-Oil Industry Management Bureau nga may una nga pilang mga international events nga posibleng naka-apekto sa padayun nga pagtaas sa presyo it produktong petrolyo.
Kaibahan eon kara ro ban it EU sa Russian oil imports, pati man ro epekto it lockdown sa China.
