KALIBO, Aklan – Ginklaro ni Emzzy Loveras Director 1 – Eastern Side it Bagong Bansa Maharlika International Incorporated at Inday Para sa Bayan nga may katuyuan sigon nanda nga maglibot sa mga banwa para magcourtesy call, sa mga mataas nga opisyales ag ahensiya it gobyerno antes sa mga munisipalidad hasta sa mga kabaranggayan.
Pahayag nana nga gina-orient nanda ro mga tawo kun siin sanda hay may national directors hasta purok coordinators, nga nagalibot sa bilog nga nasyon.
Nagcourtesy call man sigon ro andang national director parte kara nga si Jovelyn Tibwasan para ipasayod sa Office of the President nga raya hay matuod nga organisasyon ag sanda hay nagatao it bulig.
Paathag man nana nga ro pagkolekta it kwarta nga nagabalor it P100.00 hay para sa paghimo it ID ukon sa pagproseso it mga gusto magboluntaryo nga maging kabahin nanda sa kada isaea sa pamilya.
Suno kay Loveras nga uwa man sanda nagakolekta it kwarta mag-euwas ro para sa ID.
Rehistrado man sigon raya bilang sangka charity sa Security and Exchange Commission bangud nga sanda hay kumpleto sa requirements.
Narevoke ku November 2023 ro nasambitan nga charity bangud ro iba kanda hay nagapangloko, ag uwa it authorization nga ginagamit.
Pamalibad man nana nga uwa sanda nagpromisa it ATM sa mga tawo eain sa hambae ni Brgy. Kapitan Rizal Rodriguez Jr..
May mga cash assistance man sanda para sa mga senior citizen nga magaagi sa sariling ATM it indibidwal.
Gin-eksplekar man nana raya sa nasambitan nga brgy kapitan ag nangayo eamang imaw it sueat kun indi sigon magpati ro kapitan, ginpa-sit in man imaw sa session it barangay apang bangud sa mga isyu hay uwa imaw nag-adto.
Pagklaro pa nana nga ro pagkabig man kanda nga scam hay naayos eun man it andang national director.
Samtang, ro mga litrato sigon hay para eamang sa andang documentation.
Sa pihak nga parte ginklaro man ni Analyn Mangilog ro Barangay Director sa Cabugao, Batan nga may protocol man sanda nga ginasunod bangud nga mahimo sanda materminate ag mga willing eamang ro andang ginabueo.
